Midterm Test I

1.Unsay paboritong landmark sa Sugbo? Ngano man?

Ang Magellan’s Cross ang na-ay kinadak-ang epekto sa cultura sa Sugbo. Busa para nako kini ang akong paborito. Kini ang nagpatimaan ka nato sa sinugdanan sa atong Christianismo. Kung dili tungod sa pagbunyag sa atong mga katigulangan atong panahuna, basin Muslim tah o kanang di manuo sa Ginoo kita mga Sugbuanon karon.

Isip usa ka deboto sa Christianismo, dako ang akong pagpasalamat kay Magellan ug Rajah Jumabon. Nagatoo ako nga ang akong relihiyon kay naay dakong tabang kung unsa ug kinsa ako karon. Ang relihiyong Christianismo maoy ugat sa akong pagtuo ug gisundan sa dagan sa akong kinabuhi karon. Ug angay kini sundugon sa uban mga Katoliko. Atong isipon ang atong utang kabubuot, mao nanghinaot ako atong tagaan ug saktong pagtagad kining lugara. Ug dili lang himoung stand-byanan sa mga tigbaligya ug kandila ug kon unsa pa.

2. Sa imong tan-aw, unsay manghitabo kon ma-absuwelto si kanhi presidente Joseph Estrada? Ipasabot imung tubag.

Kon ma-absuwelto man si kanhi presidente Erap siguradong magbagulbol gayod ang mga kontra niya ilabi na sa politika. Usa na ani kay si Chavit Singson. Pero kutob ran a sila sa pagbagulbol.

Human sa labaw sa unom ka tuig nga pagkapriso sa Tanay, Rizal, humana napod ang ka-init sa iyang kontobersiya. Dili naman siguro siya atakihon karon sa kadaghanan sa mga taw matapos sa iyang pag-usab sulod sa labaw sa unom ka tuig. Dako na iyang natabang ilabi na sa pagbuhi niya og itik didto dapit kon asa siya napriso. Para nako, mas malipay si Presidente Arroyo kon ma-absuwelto si Erap. Dili naman makahagit ug kagubot ang iyang paggawas sa prisohan. Apan siguro ako dili nana siya mubalik sa politika, ug igo nalang mutabang sa iyang mga anak.

3. Sa imong tan-aw unsay mahitabo kon makonbikto si kanhi presedente Joseph Estrada? Ipasabot ang imong tubag.

Apan bali sa manghitabo kon ma-absuwelto si kanhi presidente Estrada, ang manghitabo kon siya makonbikto. Kagubot ang maong muresulta. Kini tungod kadaghanan sa mga kabos kay Erap. Matinabangon siya kanila ug manghinatagon, ma-pinansiyal ug ma-suporta man kini. Kahibalo si Presidente Arroyo ani, ug bisag ang mga advisers niya.

Sigurado man nga mu-file ug motion for reconsideration and campo ni Erap. Pero tungod dugay man ang maong proseso, magpabilin sa mga dalan ang mga mamrutesta. Kini muhatag ug mas dakong problema sa gobyerno kay imbis manrabaho sila sa ilang obligasiyon mapugos na hinuon sila ug bantay kanunay sa mga dalan. Ug kahibalo naman pod siguro ta nga kung gubot ang atong nasod, mugamay ang mga langyaw nga inbestors. Og mao kini ang makapasamot ug tibugsok sa atong ekonomikal nga status.

4.Palihug basaha ang atong nasudnong awit, Lupang Hinirang. Haom pa ba ni sa atong panahon karon? Ngano man? Ngano man dili?

Para nako ang nasudnong awit nga Lupang Hinirang kay dili na kaau haom sa panahon nato karon. Atong gi-ingon nga dili kita magpadaog-daog sa mga malupigon apan makita nato nga kita pa gani ang mugakos sa langgaw nga kagamhanan. Kon dili man nato akson, pangitaon nato ang ilang mga produkto ug ang kahigayunang makatrabaho didto. Atong gi-ingon dili gayod mawa ang sidlak sa atong bitoon sa atong watawat, apan di naman gani ta kahibalo murespeto sa pagtindog ug kanta og tarong sa nasudnong awit. Ang kanta pud naghisgot bahin sa atong mga maanindot nga natural resources. Apan kung tan-awon nato og maau, hugaw na atong mga kadagatan, opaw na atong mga kabukiran, baho na ang atong hangin, ug labaw sa tanan lagum na ang atong mga kalangitan. Pero para nako ang kinadak-ang dili na haom sa atong Lupang Hinirang ka yang kina-awahian nga bahin sa kanta. Nihit na kaayo ang mga taw nga andam magpakamatay para aning nasura.

Pero imbis ato ra ning libakon nga dili na haom ang Lupang Hinirang sa kasamtangang kahimtang karon sa Pilipinas, ato unta kini himoung hagit para kanato. Nga atong ibalik ug tinuoron ang mga pulong nga atong gipang-awit sa kanta.

5.Uyon ka bas a paghimong nasudnong bayani ni Ninoy Aquino? Ngano man?

Kung himoun mang usa ka nasudnong bayani si Ninoy Aquino ako musupak gayod. Para kanako usa ray angay mahimong nasudnong bayani para sa tibouk Pilipinas. Dili man gani kaayo ko kumbinsido nga si Jose Rizal atong ma-nasudnong bayani, kay mas mudapig pa ako kay Andres Bonifacio, unsa nalang kaha si Ninoy Aquino.

Dili man sa pag-ingon nga walay maayong nahimo si Ninoy, pero kuwang ra ang iyang nabuhat para nako. Libug napud kaayo kung mag sige tag ilis-ilis ug nasudnong bayani, mura man sad tag walay klaru ana. Apan kung tawagon nato siya isip usa sa mga bayani sa bag-ong panahon sa atong nasud karon, siguradong musuporta ako ana. Bilib ra ko sa iyang nabuhat ug nagatoo sakto ra ang maong ganti